Assalamu alaikum Warahmatullahi Wabarakatuh
Tamaam Tareefen Us Allah Ke Liye Hain Jo Bada Maherbaan Nihayat Rahem Walahai
Aur Salaam Ho Muhammadur Rasoolul Laah Sallal Laahu Alaihi Wasallam Par
Dear Visitors ! Jaisa Ki Aap Ko Maaloom Hai Ki Aaj Se Qareeb 1400 Saal Pahle Makka Shahar Me Ek Nabi Ko Allah Ne Bheja Jisne Apni Zindagi Ke 40 Saal ( Yaani Nubuwwat Se Pahle ) Kuch Is Tarah Guzare Ki Apne Aur Gair Sab Unki Paakbazi, Imaandari Aur Sachchai Ki Wajah Se “Saadiq” Aur “Ameen” Ke Naam Se Pukarne Lage.
Aur 40 Saal Ke Baad Ek Nabi Ki Haysiyat Se Allah Ke Hukm Se Logon Se Farmaya :
“Ek Allah Ko Mano Aur Usi Ko Sajda Karo”
“Namaaz Padho. Zakaat Do. Mazloom Ki Madad Karo”
“Sadqa Karo. Roza Rakho. Walidain Ke Saath Achcha Sulook Karo”
“Jo Apne Apne Liye Pasand Karte Ho Wahi Doosron Ke Liye Pasand Karo”
“Allah Se Jannat Maango Aur Jahannam Se Panaah Maango”
Haj Ke Mauqe Par 125000 Sahaba Ke Saamne Nabi Ki Taqreer
Aur Phir Apne Aakhiri Haj Ke Mauqe Par Qareeban Sawa Laakh Sahaba Ke Saamne Taqreer Karte Huye Farmaya :
Tum Me Jo Log Maujood Hain Wo Unko Meri Hadeese Sunaye Jo Maujood Nahi Hai
As Aalim Isi Hadees Ko Saamne Rakhte Huye Hamne Is Blog Deenibaatein Ke Zariye Apni Deeni Knowledge Ko Hindi Me Share Karne Ka Irada Kiya
Kyunki
Behtareen Sadqa Ye Hai Ki Musalmaan Ilm Seekhe Phir Apne Musalmaan Bhai Ko Sikhaye
Aam Taur Se Dekh Jata Hai Ki Jo Log Deen Par Amal Nahi Kar Rahe Hai Us Ki Wajah Deeni Knowledge Ki Kami Hai Aur Jo Log Amal Karna Chahte Hain Aur Kar Rahe Hain Lekin Deeni Ilm Ki Kami Ki Wajah Se Wo Us Tarah Nahi Kar Pa Rahe Jaisa Shariat Me maujood Hai.
Isliye Ye Choti Si Koshish Deenibaatein Blog Ke Zariye Ki Gayi Hai Ki Allah Ise Apni Raza Ka Sabab Banaye
Aur Logon Tak Sahi Aur Sachchi Baat Pahunchane Ka Zariya Banaye
Aur Kahne Sunne Se Zyada Amal Ki Taufiq Ata Farmaye
Duaaon Ka Talabgaar
Aakhir Me Aap Sabhi Ki Duaaon Ka Talabgaar Hoon
Friends! I am An Islamic Scholar and i qualified M.A. in Urdu and pursuing higher education
My Gmail ID is : sfrahman8008@gmail.com